Azərbaycan yığması Dubayda təşkil olunmuş turnirdə iştirak edəcək

Azərbaycanın 19 yaşadək futbolçularından ibarət millisi beynəlxalq turnir üçün heyətini açıqlayıb

On doqquz yaşadək futbolçulardan ibarət Azərbaycan yığması sentyabrın 14-dən 20-dək Birləşmiş Ərəb Əmirliklərinin (BƏƏ) Dubay şəhərində təşkil olunmuş turnirdə iştirak edəcək.

Turnirdə mübarizə aparacaq Azərbaycan yığmasının heyəti açıqlanıb. Heyətdə Ağaseyid Qasımov (“Qarabağ”), Nurlan Quluzadə, Fəhmin Muradbəyli, Mirkamil Həşimli (hər üçü “Neftçi”), Yusup Xakimov, Təyyar Məmmədov (hər ikisi “Bakı”), İlyas Səfərzadə, Elnur Cəfərov (hər ikisi “Xəzər-Lənkəran”), Eltun Xudadatov, Yusif Nəbiyev, Bəhlul Mustafazadə, Emin Zamanov, Qismət Əliyev (hamısı “Qəbələ”), Mansur Nahavəndi (“İnter”), Anar Həsənov (“Rəvan”), Budaq Nəsirov (“Araz-Naxçıvan”), Mahir Mədətov (“Lans”, Fransa) və Vadim Ağarəhimov (“Zenit”, Rusiya) yer alıblar.

Qeyd edək ki, turnirdə Azərbaycan millisi ilə yanaşı, BƏƏ, Qətər və Albaniya yığmaları birincilik uğrunda mübarizə aparacaqlar. Sentyabrın 16-da millimiz Qətər, iki gün sonra Albaniya, sentyabrın 20-də isə BƏƏ kollektivi ilə üz-üzə gələcək.(anspress)

Ölkə.Az