SOCAR "Qalatasaray"a sponsorluq etməsi haqda çıxan xəbərləri təkzib etdi

Bu gündən etibarən sarı-qırmızılı komandanın Türkiyə Superliqasındakı rəsmi sponsoru Azərbaycan Resbublikası Dövlət Neft Şirkətidir (SOCAR).

Ölkə.az Türkiyənin "Sabah" qəzetinə istinadən xəbər verir ki, "Qalatasaray" komandasının oyunçuları superliqada köynəklərində "SOCAR" emblemini, "Çempionlar liqası" oyunlarında isə Rusiyanın "Sberbank" bankının emblemi daşıyacaq.

Xatırladırıq ki, keçən gün "Qalatasaray" klubunun prezidenti Ünal Aysal verdiyi açıqlamasında sponsor problemini həll etdiklərini, yaxın günlərdə bunların hansı şirkətlər oluğunu elan edəcəklərini bildirmişdi.

Bu gün artıq "Qalatasaray" oyunçularının SOCAR emblemli köynəklərinin şəkili belə yayımlanıb.

Qeyd edək ki, bu xəbərlərin yayılmasından sonra ARDNŞ-in mətbuat xidmətindən APAsporta məlumatın həqiqətəuyğun olmadığını bildiriblər.

Azərbaycan Dövlət Neft Şirkətinin (ARDNŞ) mətbuat xidmətinin mətbuat xidmətinin rəhbəri Nizaməddin Quliyev  verdiyi açıqlamasında bu xəbəri təkzib edib: “Bu məlumat tamamilə yanlışdır. Türkiyənin “Sabah” qəzetinin yaydığı məlumat həqiqətə uyğun deyil”.

Ölkə.az