Fyuridən kokainlə bağlı etiraf

Birtaniyanın boks üzrə ağırçəkili çempionu Tayson Fyuri verdiyi müsahibədə kokain qəbul etdiyini etiraf edib.

Ölkə.Az xəbər verir ki, məşhur idmançı hər şeydə dünya boks cəmiyyətini günahlandırmaq istəmir.

Fyurinin söylədiyinə görə, dünya çempionu titulunu qazandıqdan sonra, onun milli mənsubiyyəti, kim olduğu, nə etdiyi barədə yalan xəbərlərin ardı-arası kəsilmir. İdmançı qaraçı əsilli olduğundan bütün bunları yaşadığını bildirib: "Mən dünyanın ən yaxşı çempionu ilə mübarizə aparmalı idim. Heçkəs mənim qalib olmağımı istəmirdi. Qələbə qazandıqdan sonra müalicə kursu keçdim. Bir həftə ərzində çempion kəmərim əlimdən alındı. Bu, boks aləmindəki korrupsiyanın bir hissəsi idi. O vaxtdan sonra məni boksdan qovmağa çalışdılar. İndi isə deyirlər ki, mən kokain qəbul etmişəm. Mən həyatda çox şey etmişəm, kokain də, digər narkotik vasitələr də istifadə etmişəm. Bu mənim həyatımdır. Bu narkotik vasitə dopinq deyil axı. Mənim şəxsi həyatıma müdaxilə etməsinlər. Bir neçə ay mən depressiyada oldum, məşq edə bilmədim. Sadəcə artıq yaşamaq istəmirəm. Mən kokainə qurşanmışam. Artıq bir neçə aydır ki, bu narkotik maddədən istifadə edirəm" deyib.

Xatırladaq ki, keçirilən dopinq testlərində britaniyalı idmançının kokain aludəçisi olduğu üzə çıxıb. Fyuri Vladimir Kliçko ilə rinqdə münasibətlərinə aydınlıq gətirməli idi. Amma o, revanşdan imtina edib. İndi onu boksdan 4 il müddətinə uzaqlaşdıra bilərlər.

Hikmət
Ölkə.Az