"Neftçi" və "Xəzər Lənkəran" azarkeşlərinə pis xəbər

AFFA İntizam Komitəsi "Neftçi" - "Xəzər Lənkəran" oyunu ilə bağlı qərar qəbul edib. Komitə "Böyük oyun"a qonaq komandanın azarkeşlərinin buraxılmaması barədə qərarını qüvvədə saxlayıb.

"2014/15 mövsümündə keçiriləcək “Neftçi” - “Xəzər Lənkəran” matçlarında baş verə biləcək hər hansı insidentin qarşısını almaq və eləcə də keçən mövsüm yaşanmış hadisələrin yenidən baş verməməsini nəzərə alaraq bu mövsüm də, İntizam Komitəsinin 2013/14 mövsümündə qəbul edilmiş qərarlar qüvvədə saxlanılsın. Belə ki, “Neftçi” və “Xəzər Lənkəran” klublarının iştirakı ilə baş tutacaq Topaz Premyer Liqası və Azərbaycan Kuboku matçlarında, bu klubların öz aralarında keçirəcəyi oyunlarda qonaq komandanın azarkeşlərinin stadionlarda iştirakına qadağa qoyulur". deyə İntizam Komitəsinin qərarında bildirilir.(anspress)