Zidanın Peterburq sərgüzəştləri

"Real Madrid" klubunun baş məşqçisi Zinəddin Zidan istirahət günlərini Peterburqda keçirib

Ölkə.Az xəbər verir ki, ulduz futbolçu iki gün ərzində baletə tamaşa edib, restoranlarda olub və şəhər sakinləri ilə söhbət edib.

Zidanın Peterburqa olan səfəri rəsmi deyil. O, bu dəfə sırf istirahət məqsədi ilə Rusiyanın Şimal Paytaxtına üz tutub.

Qeyd edək ki, İspaniya çempionatında tətil olduğu üçün, fransalı ulduz istirahət etməyə vaxt tapıb. Şəhər sakinləri Zidanla şəkil çəkdiriblər. Onların bildirdiyinə görə, fransalı ulduz çox sadə və səmimidir.

Zidan özü də şəxsi instaqram səhifəsinə həyat yoldaşı ilə Qış sarayının fonunda olan fotosunu yerləşdirib və altına "Piterdə iki gözəl gün" yazıb.

Hikmət
Ölkə.Az