İngiltərə futbolunda qalmaqal başladı

Ingiltərədə danışılmış oyunlarla bağlı araşdırmalara başlanılıb.

 İngiltərə polisi futbol qarşılaşmalarının nəticələrini əvvəlcədən danışıb müəyyənləşdirən şəxslərinin sayının yüzlərlə olduğunu açıqlayıb. Şübhəlilər arasında futbolçular, federasiya rəsmiləri, hakimlər və bukmeker kontorlarının əməkdaşlarının adının da olduğu bildirilir. Polis araşdırma aparması səbəbindən şübhəlilərin kimliyini açıqlamaqdan imtina edib. 

Şübhəli oyunların İngiltərə Premyer Liqasında və aşağı liqalarda 2012-2013-cü il mövsümündə oynanıldığı ehtimal olunur. Danışılmış oyunlarda iştirak edənlər arasında İngiltərə millisinin futbolçularının da iştirak etdiyi yayılan məlumatlar sırasındadır. Belə ki, millinin sabiq və və hazırda oynayan futbolçuların bir neçəsi danışılmış oyunlara pul qoyuluşu etdiyi bildirilir. 

İngiltrə Futbol Federasiyasının rəsmisi Devid Nevton verdiyi açıqlamada hazırda şübhəli bilinən futbolçulara cəza verilməsinin məqsədə müvafiq olmadığını və bu səbəbdən qəti addım atmadıqlarını deyib. Bununla belə federasiya rəsmisi danışılmış oyunların olduğuna dair çoxlu dəlilin olduğunu da sözlərinə əlavə edib: 

"Bunların hamısını mətbuatla paylaşmaq istərdik, amma bu an üçün hər hansı bir çətinlik istəmirik". 

Qeyd edək ki, İngiltərənin 22 klubunun adı danışılmış oyunlarda halllanır. (anspress)