Bu gün \"Qarabağ\" və \"Qəbələ\" Avroliqada növbəti görüşlərini keçirəcək

Bu gün UEFA Avropa Liqasının qrup mərhələsində III turun oyunları keçiriləcək.

Ölkə.Az-ın Apasport-a istinadən məlumatına görə, Azərbaycan çempionu “Qarabağ” da növbəti matçına çıxacaq.

Qurban Qurbanovun yetirmələri doğma divarlar arasında Yunanıstanın PAOK klubu ilə qarşılaşacaq. Keçirdiyi iki oyundan sonra aktivinə sadəcə 1 xal yaza bilən ağdamlılar hazırda qrupda sonuncu pillədə qərarlaşıblar. Komandamız doğma meydanda qalib gələ bilsə, hazırda 4 xalı olan yunanlarla xalları bərabərləşdirəcək. Çempionumuz bugünkü oyuna ciddi itki ilə çıxa bilər. Komandanın kapitanı və müdafiənin əsas fiquru olan Rəşad Sadıqovun oynayıb-oynamayacağı hələ ki dəqiq bilinmir. Baş məşqçi Qurban Qurbanov oyun saatına qədər fikrini dəqiqləşdirəcək.

Digər təmsilçimiz “Qəbələ” isə səfərdə “Sent-Etyen”ə qonaq olacaq. İlk iki oyunda qələbə üzünə həsrət qalan əyalət təmsilçisi Fransaya ilk qələbə arzusu ilə yollanıb. Əgər qələbə əldə olunsa, sonuncu yerdən qurtulmaq mümkün olacaq. 3 xal əldə olunmasa, təmsilçimizin növbəti mərhələyə yüksəlmək şansları böyük ölçüdə azalacaq. Ölkə çempionatında 9-cu turda qapısında qol görən “radarlar” Avroliqada qrupda ən çox qol buraxan komandadı.

Avropa Liqası

Qrup mərhələsi, III tur

20 oktyabr

J qrupu

21:00. “Qarabağ” - PAOK (Yunanıstan)

Baş hakim: Alon Yefet
Bakı. Tofiq Bəhramov adına Respublika stadionu

1	“Fiorentina” (İtaliya)	2	1	1	0	5-1	4
2	PAOK (Yunanıstan)	2	1	1	0	2-1	4
3	“Slovan” (Çexiya)	2	0	1	1	3-4	1
4	“Qarabağ” (Azərbaycan)	2	0	1	1	3-7	1

C qrupu

23:05. “Sent-Etyen” (Fransa) - “Qəbələ”

Baş hakim: Ali Palabıyık

Sent-Etyen. “Joffrua Qişar” stadionu

1	“Anderlext” (Belçika)	2	1	1	0	4-2	4
2	“Maynts” (Almaniya)	2	1	1	0	4-3	4
3	“Sent-Etyen” (Fransa)	2	0	2	0	2-2	2
4	“Qəbələ” (Azərbaycan)	2	0	0	2	3-6	0