Mourinyo Şvaynştaygeri alçaltmaqda davam edir
2016-cı il Bastian Şvaynştaygerin uzun müddət yadından çıxmayacaq.
Lui van Qaalın istefasından sonra Joze Mourinyo tərəfindən etimad görməyən dünya çempionu zədəsini sağaldandan sonra əsas komandadan uzaqlaşdırıldı. Karrinqton bazasında ehtiyat komanda ilə məşqlərə çıxan təcrübəli futbolçuya növbəti sillə dəyib.
Onun U-23 komandasında oynamağına da artıq icazə verilmir. Komandanın çalışdırıcısı Vorren Coys Şvaynştaygerə şans vermək istəsə də, Mourinyo ona almaniyalı havbekin məşqdən başqa heç nəyə cəlb olunmamasını tapşırıb. Bastian böyük ehtimalla qışda MLS klublarından birinə transfer olunacaq. (goal.az)
