\"İnter\" Frank de Buru işdən çıxaracaq

İtaliyanın "İnter" futbol klubunun rəhbərliyi baş məşqçi Frank de Burla yollarını ayırmaq qərarına gəlib.

Ölkə.Az xəbər verir ki, yaxın vaxtlarda bu barədə rəsmi məlumat yayımlanacaq. Klubda hollandiyalı məşqçi "Latsio" klubunun eks-məşqçisi ilə əvəz ediləcək. İtaliya qəzetlərinin iddiasına görə, klub rəhbərliyi 51 yaşlı Stefano Pioli ilə artıq razılaşıb.

Yerli mətbuat bir müddət əvvəl "İnter"də baş məşqçi postuna Leonardonun gətiriləcəyini iddia etmişdi.

Qeyd edək ki, 11 turdan sonra "İnter" klubu İtaliyanın A seriyasında 14 xalla 12-c yeri tutub. De Bur kluba cari ilin avqust ayında dəvət edilib.

Hikmət
Ölkə.Az