UEFA “Qarabağ” və “Qəbələ”yə 754 min avro ödədi

UEFA Avropa Liqası turnirinin 2015/2016-cı il mövsümündə qrup mərhələsində çıxış etmiş “Qarabağ” və “Qəbələ” klublarının büdcəsinə növbəti maliyyə vəsaiti köçürülüb.

Ölkə.Az xəbər verir ki, bu barədə AFFA-nın mətbuat xidməti məlumat yayıb.

Məlumata əsasən, qeyd olunan vəsait hər iki klubun ötən mövsüm Avropa Liqasının qrup mərhələsində iştirakı ilə əlaqədar UEFA tərəfindən ayrılmış bonusdur.

Avropa futbol qurumu tərəfindən verilən vəsait müvafiq olaraq “Qarabağ” klubuna 376.952.00 avro, “Qəbələ” klubuna isə 376.814.00 avro – AFFA-nın vasitəçiliyi ilə artıq hər iki klubun hesabına daxil edilib.

Ölkə.Az