Futbolçu Neymar korrupsiyada günahlandırıldı

"Barselona" futbol klubunun hücumçusu Neymar korrupsiyada günahlandırılaraq məhkəməyə çağırılıb.

Ölkə.Az xəbər verir ki, Braziliyanın "DİS" şirkəti forvardın "Barselonaya" transferi ilə bağlı məhkəməyə şikayət edib.

Şirkət Neymarın "Santos" klubundan "Barselona"ya keçidi zamanı ödənilən məbləğin 40 %-nə iddia edir. Şirkətin nümayəndələri tərəfindən yazılan ərizədə bildirilir ki, məbləğin əsas hissəsi gizlədiliyi üçün şirkətin gəliri az olub.

Məsələ ilə bağlı "Barselona" klubunun prezidenti Xosep Bartomeu, klubun keçmiş prezidenti Sandro Rossel və "Santos" klubunun prezidenti də ifadə verib.

Rəsmi məlumata əsasən, 2013-cü ildə baş tutan transfer "Barselona"ya 57.1 milyon avroya başa gəlib. Bu məbləğin 17.1 milyonu "Santos"a, 40 milyonu isə Neymarın valideynlərinin şirkətinin payına düşüb. İspaniya prokurorları isə klubu 13 milyon avro məbləği gizlətməkdə günahlandırırlar.

Sonradan isə Bartomeu bəyan edib ki, vergilər də daxil transfer 86.2 milyona baş tutub. Amma istintaqın fikrinə görə, məbləğ 100 milyon avrodan çox olub.

Hikmət
Ölkə.Az