Ronalduya vergi ittihamı
Daha bir neçə məşhur futbolçu vergidən yayınmaqda şübhəli bilinir.
Ölkə.Az “Qafqazinfo”-ya istinadən xəbər verir ki, bu barədə “Spiegel” məlumat yayıb.
Məlumata görə, Almaniya yığmasının üzvü Məsut Özil, portuqaliyalı Pepe və Rikardo Karvalyo, kolumbiyalı Xames Rodriqes ilə həmyerlisi Radamir Falkao da vergidən yayınmaqda ittiham olunur.
Özildən başqa digər futbolçuların meneceri Jorje Mendeşdir. O, bütün sxemin qurulmasında əsas fiqur hesab olunur.
***
Portuqaliya millisinin və “Real”ın hücumçusu Kriştiano Ronaldo haqqında mətbuatda şok ittiham yayılıb.
“Spiegel”-in yaydığı məlumata görə, futbolçu külli miqdarda vergidən yayınmaqda şübhəli bilinir.
O, Britaniyanın Vircin adaları və İsveçrədəki ofşorlar vasitəsiylə 150 milyon avronu vergidən gizlədib.
Araşdırma Footbal Leaks adı altında birləşən jurnalistlər tərəfindən aparılıb.
