Useyn Bolt futbol millisinə dəvət aldı

Altı qat olimpiya çempionu sprinter Useyn Bolt futbol millisinə cəlb oluna bilər.

Millinin çalışdırıcısı Vinfrid Şefer yamaykalını öz komandasında görmək istəyir.

Şeferin sözlərinə görə, Boltun futbol üzrə milliyə dəvət edilməsi 2016-cı il Olimpiya oyunlarından sonraya planlaşdırılır.

"Bolt yamaykalıdı və mən onu komandamda görmək istərdim. Bu barədə onun özündən xahiş edəcəm. Ümid edirəm o ölkəsi üçün oynamağa razılıq verəcək. Bu bizim ümumi məqsədimizdir”, - deyə almaniyalı mütəxəssis bildirib.

Qeyd edək ki, Useyn Bolt 6 qat olimpiya çempionu, 8 qat dünya çempionudur. O, 100 və 200 metr məsafələrdə dünya rekorduna sahibdir. (anspress)

Ölkə.Az