\"Chapecoense\"nin sağ qalan futbolçusu qəzanı xatırlamır

"Chapecoense"nin təyyarə qəzasından sağ çıxan futbolçusu Neto yaddaşının müəyyən hissəsini itirib. Ölkə.Az goal.az-a istinadən xəbər verir ki, dekabrın 10-da 31 yaşlı futbolçu həkimlərdən Cənubi Amerika kubokunun "Atletico Nacional"a qarşı ilk final oyunu barədə soruşub.

O, oyunda hansı şəraitdə zədələnməsini də bilmək istəyib. Psixoloqun məsləhəti ilə həkimlər Kolumbiyanın Medellin şəhərində baş vermiş dəhşətli aviaqəza barədə Netonu məlumatlandırmayıb.

Neto xəstəxanaya koma vəziyyətində çatdırılmışdı. Qəzadan 9 gün sonra o, süni tənəffüs cihazından ayrılmış və özünə gəlmişdi.