Zinəddin Zidan: "Ronaldu "Real Madrid" tarixinin ən yaxşı oyunçusudur"

"Real Madrid" futbol klubunun baş məşqçisi Zinəddin Zidan Ronaldunu klub tarixinin ən yaxşı oyunçusu adlandırıb.

Ölkə.Az xəbər verir ki, Zidanın fikrinə görə, hücumçu Kriştianu Ronaldu kral klubunun bu günə qədər gəlmiş-keçmiş ən yaxşı oyunçusudur.

Portuqaliyalı ulduz bu yaxınlarda karyerasının dördüncü "Qızıl top"una layiq görülmüşdü. Hadisədən sonra Zidana bu barədə sual verilmişdi və Zidan Ronaldu barədə fikirləri təsdiqləmişdi.

Baş məşqçi deyib: "Ronaldunun "Real" tarixinin ən yaxşı oyunçusu olduğunu söyləmək mübaliğə deyil. Kriştianunun əldə etdiklərinə heç bir futbolçu nail ola bilməz. Mən belə düşünürəm. Ronaldunu dördüncü "Qızıl top" mükafatı münasibətilə təbrik edirəm. Onun etdiyini etmək çox çətindir. Düşünürəm ki, Kriştianu yenə belə bir mükafat qazana bilər".

Hikmət
Ölkə.Az