Simyoneyə 8 oyunluq cəza

İspaniya Futbol Federasiyası “Atletiko”Madridin baş məşqçisi Diyeqo Simyoneyə ağır cəza verib

İspaniya Super kuboku uğrunda keçirilən ikinci matçda hakimə etiraz etdiyinə görə ehtiyat oyunçular skamyasında uzaqlaşdırılan və 4-cü hakimin başına vurduğu iddia edilən Simyoneyə  8 oyunluq cəza verilib

Simyone onu sakitləşdirməyə çalışan 4-cü hakimin iki dəfə başına vurub və baş hakimin qərarlarına etiraz edib. “Atletiko”nun baş məşqçisi isə bu cəzanı yersiz hesab edir: “Mən etdiyim hərəkətə görə hakimdən üzr istədim. Nəyəsə görə üzr istəmək yaxşı bir haldır. Çünki belə olanda öz səhvini başa düşmüş olursan. Ancaq bu cəza ilə razı deyiləm.”/Qafqazinfo/

Ölkə.Az