Çempionlar Liqasında möhtəşəm oyunlar

Bu gün Çempionlar Liqasında IV turun oyunlarına start veriləcək

Ölkə.Az-ın qol.az-a istinadən məlumatına görə, ilk oyun günündə 8 qarşılaşma keçiriləcək.

A qrupunun lideri Madridin “Atletiko” klubu səfərdə “Malmö”nün qonağı olacaq. Qrupun digər oyununda “Yuventus” öz meydanında “Olimpiakos”u qəbul edəcək.

Turun ən maraq doğuran oyunlarından biri B qrupunda baş tutacaq. Burada Madrid “Real”ı doğma meydanda “Liverpul”la üz-üzə gələcək. Qrupun digər matçında “Ludoqorotes” klubu səfərdə “Bazel”in qonağı olacaq.

C qrupunda Rusiya "Zenit"i lider “Bayer” (Leverkuzen) klubu ilə münasibətlərinə aydınlıq gətirəcək. “Monako” isə səfərdə qrupun autsayderi “Benfika”nın qonağı olacaq.

Azərbaycanlı azarkeşlərində maraqla gözlədiyi oyun D qrupunda keçiriləcək. Türkiyənin “Qalatasaray” klubu Dortmundda "Borussiya" ilə qarşılaşacaq. "Cim Bom" qrupdan çıxmaq şansını saxlaması üçün bu görüşdə mütləq qələbə qazanmalıdır. Qrupun digər oyununda isə “Arsenal” evdə “Anderlext”i qəbul edəcək.

4 noyabr

A qrupu

23:45. "Malmö" (İsveç) - "Atletiko" (Madrid, İspaniya)

23:45. "Yuventus" (İtaliya) - "Olimpiakos" (Yunanıstan)

B qrupu

23:45. "Real" (Madrid, İspaniya) - "Liverpul" (İngiltərə)

23:45. "Bazel" (İsveçrə) - "Ludoqorets" (Bolqarıstan)

C qrupu

21:00. "Zenit" (Rusiya) - "Bayer" (Leverkuzen, Almaniya)

23:45. "Benfika" (Portuqaliya) - "Monako" (Fransa)

D qrupu

23:45. "Arsenal" (İngiltərə) - "Anderlext" (Belçika)