Xorvatiya millisinin üzvü “Beşiktaş”da
“Beşiktaş” qış fasiləsində növbəti transferini reallaşdırıb.
Ölkə.Az xəbər verir ki, “ağ-qaralar” bu dəfə müdafiə xəttini gücləndiriblər.
Belə ki, “Deportivo”dan hücumameyilli yarımmüdafiəçi Ryan Babeli heyətinə cəlb edən “qara qartal” “Riyeka”nın mərkəz müdafiəçisi Matey Mitroviçlə də anlaşıb. Klublar arasında artıq hərtərəfli razılıq əldə olunub. Türkiyə təmsilçisi bu keçid müqabilində qarşı tərəfə 3 milyon avro ödəyəcək. Xorvatiya millisinin 23 yaşlı üzvü yeni komandası ilə 3 illik müqavilə imzalayacaq və illik məvacibi 1,3 milyon avro təşkil edəcək.
Qeyd edək ki, Matey Mitroviç 2014-cü ildən Xorvatiya yığmasına çağırılır.
