“Neftçi” “Tofiq Bəhramov”da oynamaqdan imtina etdi
Stadionunun ot örtüyü “Qarabağ” - “Tvente” oyunundan sonra daha bərbad hala düşüb
“Neftçi” Avroliqanın oyunu ilə bağlı UEFA-ya müraciət edib.
Klubun mətbuat xidmətindən Ölkə.Az-a verilən məlumata görə, “Neftçi” - “Partizan” oyununa bilet satışı bizdən asılı olmayan səbəblərə görə müvəqqəti olaraq dayandırılıb.
Qarşılaşmanın Respublika stadionunda deyil, Bakcell arenada keçirilməsi üçün UEFA-ya müraciət ünvanlanıb. Daha öncədən bilet almış azarkeşlərə nə etməli olduqları haqda məlumat UEFA-nın cavabından sonra veriləcək.
Qeyd edək ki, T. Bəhramov adına Respublika stadionunun heç də yaxşı vəziyyətdə olmayan ot örtüyü “Qarabağ” - “Tvente” oyunundan sonra daha bərbad hala düşüb.
Ölkə.Az
