Bu gün qəlbimiz "Qarabağ"la döyünəcək
Bu gün Avropa Liqasının pley-off mərhələsinin ilk oyunları keçiriləcək
“Neftçi” ilə yanaşı “Qarabağ” da bu gün meydana çıxacaq.
Ağdam təmsilçisi öz meydanında Hollandiyanın “Tvente” klubunu qəbul edəcək . “Tvente” Qurban Qurbanovun komandası üçün tanış rəqibdir. 2009-cu ildə “Qarabağ” məhz Avroliqanın pley-off mərhələsində o dövrdə Hollandiya çempionu olan “Tvente” ilə qarşılaşıb. Səfərdə rəqibinə 1:3 hesabı ilə uduzan komandamız doğma meydanında qolsuz heç-heçə ilə meydanı tərk edib. Bununla da qrup mərhələsinə “Tvente” yüksəlib. Bu mənada “Qarabağ” üçün bugünkü görüşü revanş da adlandırmaq olar.
Qarşılaşmanın start fiti saat 21:00-da veriləcək.
Xatırladaq ki, komandalar arasında cavab matçı bir həftə sonra Hollandiyada keçiriləcək.
21 avqust
Avropa Liqası, pley-off mərhələsinin ilk oyunu
21:00. “Qarabağ” (Azərbaycan) – “Tvente” (Hollandiya)
Hakimlər: Manuel Qrafe, Holger Henşel, Kristian Gittelmann, Quido Vinkmann (Almaniya).
Yer: Bakı. Tofiq Bəhramov adına Respublika stadionu./Qol.az/
Ölkə.Az
