“Trabzonspor”un baş məşqçisi qovuldu
"Trabzonspor"da baş məşqçi Vahid Halilodziçə qarşı etirazlar nəticəsini verib.
Avropa Liqasının qrup mərhələsi çərçivəsində səfərdə "Lokeren"lə bərabərə qalan "bordo-mavilər"in rəhbərliyi bosniya və herseqovinalı mütəxəssislə yollarını ayırmalı olub.
Belçika səfərində Oskar Kardozonu ehtiyatda saxlayan və hakim tərəfindən tribunaya göndərilən Halilodziç klub rəhbərliyinin səbr kasasını daşırmışdı. Bu səbəbdən artıq təcrübəli çalışdırıcının yerinə namizəd axtarılır. Rəhbərliyin ötən mövsüm "Fənərbaxça"nı çempion edən Ərsun Yanalı 2 milyon avroya razı saldığı barədə Türkiyə mətbuatında xəbərlər yer alıb.
Qeyd edək ki, Vahid Halilhodziç "Trabzonspor"a 2014-cü ilin iyulunda baş məşqçi təyin olunub. Onun köməkçilərindən biri əvvəllər "Qarabağ" və "Qəbələ"də çalışmış Fatih Kavlakdır. Türkiyə Superliqasında 8 turdan sonra "Trabzonspor" 9 xalla 12-ci pillədə qərarlaşıb. Bu komandanı noyabrın 9-da "Konyaspor"la görüşə klubun koordinatoru Sadi Tekelioğlunun çıxaracağı bildirilir. (anspress)
Ölkə.Az
