AFFA bu klubları cəzalandırdı

AFFA İntizam Komitəsi ənənəvi iclasını keçirib və bəzi klubları cəzalandırıb.

Ölkə.Az “affa.az”a istiandən xəbər verir ki, I divizionun VIII turunun təxirə salınmış görüşü “Bakılı” – “Şuşa” matçında “Bakılı” klubunun 4 futbolçusunun sarı vərəqə ilə cəzalandığı üçün klub 100 manat cərimə olunub. Oyunun 52-ci dəqiqəsində “Bakılı” klubunun futbolçusu Fərid Namazov kobud oyuna görə birbaşa qırmızı vərəqə alaraq meydandan kənarlaşdırıldığı üçün 2 oyun cəzalanıb, klub 200 manat cərimələnib.

“Mil-Muğan” – “Şuşa” matçının 90+2-ci dəqiqəsində “Mil-Muğan” klubunun 18 №-li futbolçusu Elnur Soltanlı ikinci sarı vərəqə alaraq meydandan kənarlaşdırıldığı üçün 1 oyun cəzalanır, klub 20 manat cərimə olunub.

“Kəpəz” – MOİK matçının 32-ci dəqiqəsində MOİK klubunun baş məşqçisi Namiq Adilov və oyunun 80-cı dəqiqəsində “Kəpəz” klubunun məşqiçisi Anar Kələntərov texniki zona qaydalarını pozduğlarına görə meydandan kənarlaşdırıldığları üçün hər ikisi 1 oyun cəzalanır klublar 100 manat cərimə ödəyəcək. “Bakılı” – “Ağsu” matçı başa çatdıqdan sonra “Bakılı” klubunun inzibatçısı Rövşən Mustafayev hakimlər briqadasını təhqir etdiyinə görə 5 oyun cəzalanır, klub 500 manat cərimə olunub.

Ölkə.Az