Tanınmış idmançı və müğənni nişanlandı

"Formula-1" komandasının kapitanı "Spice Girls" qrupunun keçmiş üzvü ilə nişanlanıb.

Ölkə.Az "The Guardian" qazetinə istinadən xəbər verir ki, "Spice Girls" pop-qrupun keçmiş üzvü olan Ceri Holluvel "Formula-1" Red Bull komandasının kapitanı Kristian Hornerlə nişanlandığını bəyan edib. Toyun tarixi hələ bilinmir.

42 yaşlı Holluvel və 40 yaşlı Horner artıq 5 ilə yaxındır ki, tanışdılar, lakin onlar 2014-cü ildə sevgili olublar. Horner 14 il Beverli Allen ilə vətəndaş nikahında olub və bu evlilikdən onların bir yaşlı qızları var. Ceri Holluvelin də 8 yaşlı bir qızı var.

Qeyd edək ki, 2005-ci ildə Horner yeni "Formula-1" Red Bull komandasının rəhbəri vəzifəsinə dəvət edilmişdi. Dünya çempionatında Sebastyan Fettelyanın komandasının üzvünün qələbələri sayəsində 9 mövsum ərzində avstriyalı komanda "Kral yarışlarında"4 dəfə (2010-2013) konstruktorların Kubokunu qazanıb.
Holluvel isə 1990 -cı illərin ortasında "Spice Girls" pop-qrupunun üzvü kimi şöhrət qazanmışdı və qrup üzvləri arasında ən müvəffəqiyyətli solo karyera qurmağa müvəffəq olmuşdu. Muğənni nüfuzlu "Brit Awards" musiqi mükafatına namizəd olmuş, Britaniya hit-paradında birinci yer tutmuş 4 mahnı buraxmışdı.

Onun albomlarının ümumi satışı 4 milyon nüsxədən çoxdur.

Çinarə Vahabzadə

Ölkə.Az