Azərbaycan UEFA reytinqində gerilədi

UEFA Avropa miqyaslı yarışlarda klubları ilə təmsil olunan ölkələrin yeni reytinq siyahısını açıqlayıb.

Qurumun rəsmi saytında dərc olunan reytinqdə UEFA üzvü olan 54 ölkə yer alıb.

Siyahıya 81.642 xalla İspaniya başçılıq edir. İngiltərə ikinci (65.605), Almaniya isə üçüncü (65.415) yeri tutur.

Bu mövsüm Avropa kubokları yarışına dörd komanda ilə qatılan Azərbaycan açıqlanan son reytinqlə müqayisədə mövqeyini əldən verərərək iki pillə geriləyib və 31-ci pilləyə düşüb. Ölkəmizin ehtiyatında 10.750 xal var. Azərbaycanın reytinqdə “izlədiyi qonşuları” - Slovakiya və Macarıstanın hər biri 10.875 xalla müvafiq olaraq 29 və 30-cu pillələrdə qərarlaşıb./qol.az/

Ölkə.Az