Çempionlar Liqasında "pley-off"çular müəyyənləşir

Bu gün Çempionlar Liqasının III təsnifat mərhələsinin cavab oyunlarına start veriləcək.

Ölkə.Az qol.az-a istinadən bildirir ki, ilk oyun günündə 4 qarşılaşma baş tutacaq.

Günün ilk matçında BATE (Belarus) və "Debretsen" (Macarıstan) komandaları üz-üzə gələcək. Səfərdə rəqibinə 0:1 hesabı ilə uduzan BATE həmin məğlubiyyətin əvəzini çıxmağa çalışacaq. Bu görüş Bakı vaxtı ilə saat 22:30-da başlayacaq.

Digər oyunlarda "Makkabi" (Təl-Əviv, İsrail) evdə "Maribor"u (Sloveniya), "Panatinaikos" (Yunanıstan) isə "Standard" (Belçika) klubunu qəbul edəcək. Birinci oyunda qonaqlar 1:0 hesabı ilə qələbə qazanıbsa, ikinci görüşdə hesab açılmayıb - 0:0.

Günün son qarşılaşmasında isə "Lill" klubu Fransada "Qrasshopers"i (İsveçrə) sınağa çəkəcək. Səfərdə rəqibinə 2:0 hesabı ilə qalib gələn Fransa təmsilçisi bu görüşə nisbətən rahat çıxacaq. Bu matçın start fiti Bakı vaxtı ilə saat 23:30-da veriləcək.

Qeyd edək ki, Çempionlar Liqasında III təsnifat mərhələsinin qalan cavab oyunları sabah axşam keçiriləcək.

5 avqust

Çempionlar Liqası, III təsnifat mərhələsinin cavab oyunları

22:30. BATE (Belarus) - "Debretsen" (Macarıstan) (İlk oyun - 0:1)

23:00. "Makkabi" (Təl-Əviv, İsrail) - "Maribor" (Sloveniya) (İlk oyun - 0:1)

23:00. "Panatinaikos" (Yunanıstan) - "Standard" (Belçika) (İlk oyun - 0:0)

23:30. "Lill" (Fransa) - "Qrasshoppers" (İsveçrə) (İlk oyun - 2:0)

6 avqust

21:00. "Zenit" (Rusiya) - AEL (Kipr) (İlk oyun - 0:1)

21:30. APOEL (Kipr) - HİK (Finlandiya) (İlk oyun - 2:2)

22:00. "Malmö" (İsveç) - "Sparta" (Çexiya) (İlk oyun - 2:4)

22:00. "Şerif" (Moldova) - "Slovan" (Slovakiya) (İlk oyun - 1:2)