Mətn ölçüsü:
  • 100%

UEFA-dan "Qarabağ"ın qara sarğısına reaksiya

UEFA quruma müraciət edən Azərbaycan çempionu “Qarabağ”ın xahişini nəzərdən keçirib.

Avropa futbol qurumu Ağdam təmsilçisinin iki məsələ ilə bağlı müraciətinə cavab verib.

UEFA Avstriyanın “Zalsburq” klubu ilə Çempionlar Liqasının III təsnifat mərhələsinin Bakıdakı ilk oyununda qırmızı vərəqə alan Reynaldonun cəzasının ləğv etməkdən imtina edib. Qurum futbolçunun meydandan qovulmasının haqsız olduğu ilə bağlı iddiaları əsassız sayıb və cənubi amerikalının cavab matçında iştirakına icazə verməyib.

“Qarabağ” digər müraciətinə də “yox” cavabı alıb. Belə ki, müəyyən hissəsi Ermənistan tərəfindən işğal olunan Ağdamı təmsil edən klub son günlər təmas xəttində Azərbaycan ordusunun şəhid verməsi səbəbindən meydana qara sarğı ilə çıxmaq üçün də UEFA-ya müraciət etmişdi. Lakin bunu siyasi məsələ sayan qurum futbola heç bir bağlılığı olmadığını əsas gətirərək “Qarabağ”ın xahişini müsbət dəyərləndirməyib./apasport.az/

Ölkə.Az