Almeydadan iddialı açıqlama

"Yaxşı nəticə qazanacağımızı bilirdik. Çünki rəqibi düzgün analiz edib, ciddi hazırlaşmışdıq. Çox şadam ki, belə çətin rəqiblə mübarizədən qalib ayrıldıq".

Bu sözləri "Qarabağ" klubunun futbolçusu Riçard Almeyda Çempionlar Liqasının III təsnifat mərhələsinin "Zalsbur"la ilk oyunundan sonra deyib.

Braziliyalı yarımmüdafiəçi "Zalsburq"la oyunun gözləniləndən çətin keçdiyini qeyd edib: "Rəqib gözlədiyimizdən güclü idi. Daima bizi təzyiq altıda saxlamağa çalışırdılar. Ancaq komandamız yaxşı oynadı. Rəqibin təzyiqlərinə tab gətirdik və üstəlik iki qol vurmağı bacardıq".

Almeyda komandasının cavab qarşılaşmasına ciddi itkilərlə çıxmasına rəğmən yaxşı nəticə qazanacaqlarına inadığını bildirib: "Biz bir komandayıq. Səfərə doqquz nəfərlə getməyəcəyik. Teli yoxdursa Rəşad var, Reynaldo yoxdursa, Vüqar var. "Qarabağ"da hər bir futbolçu meydanda olmağa layiqdir. Növbəti mərhələyə adlamaq üçün yaxşı şansısmız var. Bundan yararlanmalıyıq". 

"Qarabağ"ın oyun qurucusu sonda azarkeşlərə təşəkkürünü çatdırıb: "Azarkeşlərin dəstəyi möhtəşəm idi. Bu dəstək qarşısında qalib gəlməmək günah olardı". (qol.az)

Ölkə.az