Məşhur güləşçi həbsxanada özünə qəsd etdi

İdmançı adam öldürdüyünə görə həbs cəzası almışdı.

Ölkə.Az «Wrestdag» informasiya portalına istinadən xəbər verir ki, dünyanın və İranın məşhur güləşçisi Babək Qorbani həbsxanada özünə qəsd edib. Tanınmış iranlı yunan-roma güləşçisi Babək Qorbani həbsxanada həyatına qəsd edərək dünyasını dəyişib.

Təhqiqatın versiyasına görə, 25 yaşlı idmançı qəbul etdiyi ölümcül dərman dozasından ölüb. Qorbani Kirmanşah şəhərində dəfn edilib. 2011-cı ildə qadağan edilmiş preparatların qəbuluna görə Babək Qorbani iki il müddətinə kənarlaşdırılmışdı. Eyni ildə Babək məişət zəminində etdiyi qətldə günahkar bilinərək azadlıqdan məhrum etmə cəzasına məhkum edilmişdi.

Babək Qorbani bütün idman karyerası boyu gənclər arasında dünya çempionatı, Asiya çempionatı, Asiya oyunları və Dünya kubokunun qalibi olub.

Rəşid Mustafazadə

Ölkə.Az