"Qarabağ"ın Qarasına sataşdı: "Cərimə meydançasında millimizin oyunçuları əllə qol vursalar, sayılacaq"

Ölkə.Az-ın "TOP"lantı layihəsi çərçivəsində "Qarabağ"ın və milli komandamızın futbolçusu Qara Qarayevlə müsahibəni təqdim edirik.
 

 

- Oyundan sonra da dedim, oyunda ani bir diqqətsizliyimiz oldu. Oyunun taleyini həll edən bir zamanda konsantrasiyamızı itirdik və rəqib bundan istifadə etdi. Düzdü, qol vəziyyətləri çox yarada bilmədik, ancaq az da olsa, yarada bildik.
 

- Niyə start heyətdə meydana çıxmadın? Mahmud Qurbanov Rəşadla, Maksimdən başqa "Qarabağ"ın heç bir oyunçusuna şans vermədi.
 

- Mən özümə yaraşdırmıram məşqçinin haqqında danışım. Mən özümdə təəccübləndim. Mən elə bir oyunçu deyiləm ki, niyə əsas heyətdə meydana çıxdım, ya çıxmadım deyim. Məşqçinin qərarı mənim üçün də gözlənilməz oldu. Ona görə ki, oyundan bir həftə əvvəl "Dnepr"ə qarşı Bakıda oynamışdım. Yenə də məşqçidi, bizə qalan onun fikrinə hörmətlə yanaşmaqdır.

 

- Foqts getdi. Millidə nə dəyişdi?
 

- Foqts gedəndən sonra ən azından komandaya milli ruh gəlib. Çünki bütün oyunçular azərbaycanlıdır. Hamı məqsədin bilir. Foqtsun dönəmində bir çox xarici oyunçular gəlirdi. Düzdü, yaxşı xarci oyunçu bizə kömək edirsə, bu yaxşı haldı. 5-6 legioner milliyə gəlirsə, o bizim hiss etdiyimizi hiss etmir. Onlar, sadəcə, kamp xatirinə gəlib, oyunun oynayıb gedir. Əcnəbilər özünü göstərib, xarici bir kluba gedib daha gəlməyəcək milliyə. İndi milli ruh komandada daha çox artıb.
 

- Xorvatiyadan biabırçı məğlubiyyət aldıq. Həmin oyunda millinin müdafiəsi, demək olar, "Qarabağ"ın oyunçularından təşkil edilmişdi. Necə olur, o müdafiəçilər "Qarabağ"da az qol buraxır, ancaq millidə bir oyunda 6 qol?
 

- Rəqib Xorvatiyanın ən yaxşı futbolçularından qurulub. Ayrı-ayrılıqda götürəndə xorvatiyalı futbolçular "Real Madrid"də, "Barselona"da oynayırlar. Hər şey taktikadan aslıdır. Oyunçu nə qədər yaxşı oynasa da, məşqçinin taktikası səhv olanda komanda 6:0, 10:0 da uduzacaq. Uduzanda fubolçularda günah axtarırlarsa, məşqçidə də axtarmaq lazımdır.
 

 

- Qabaqda oynayan oyunçu yoxdursa, irəli - hara gəldi ötürmə etməkdənsə, ən yaxşısı topu arxaya göndərməkdi. Məni də qınayırlar ki, çox arxaya ötürmə edirsən. Arxaya ötürmə etmək daha qarantidi, nəinki görmədiyin, bilmədiyin yerə ötürmə etmək. Millidə Riçard Almeydaya bənzər futbolçunun olması komandaya daha çox kömək edər. İndiki milli komandamız bir həftənin komandasıdır. Düzdür, Mahmud Qurabanov Berti Foqtsun yanında olsa da, tam fərqli bir şey istəyir futbolçulardan. Mahmud Qurbanov 10 gündür bu komandanı yaratdı, ancaq hesab edirəm ki, uduzmağımıza baxmayaraq yaxşı oynadıq.
 

 

- Heç kim yaxşı məşqçini itirmək istəməz, amma getsəydi belə, biz onu itirməzdik. Ona görə ki, ölkəmizin əsas komandasına gedəcəkdi. Həmişə istəmişəm milli komandanı yerli məşqçilər çalışdırsın. Təbii ki, son qərar isə AFFA rəhbərliyinindir.
 

- "Qarabağ", sanki, iki yerə bölünüb. Müdafiədə yerlilər, hücumda legionerlər oynayırlar və Qurban Qurbanov bunu əla sintez edib. Qurban Qurbanov əgər milli komandaya getsə, Almeydanı, Reynaldonu kimlə əvəzləyəcək milli komandada?
 

- Məncə, Qurban Qurbanov futbolçulardan başqa şey istəyəcək. Əvvəl oynadıqları kimi yox, başqa cür.
 

 

- Statistika da göstərir ki, bizim futbolçular çox az qol vurur. Uşaq futboluna daha çox diqqət ayrılmalıdır. Fubol tək qaçmaqla, fiziki güclə oynanan bir oyun deyil. Fərqli şeylər etməliyik. Avropada bir çox komandalardan çox qaçırıq meydanda, amma lazım olanı edə bilmirik. Uşaqlara futbolu düzgün oynamağa öyrətmək lazımdır. Hücumçu probleminin olması açıq- aşkardır. Kiminsə xətrinə dəyiləsi bir şey yoxdur. Sizin kimi məni də düşündürür ki, bizdə niyə hücumçu yoxdur?
 

- Reynaldo ilə Almeydanın milliləşdiriləcəyi ilə bağlı xəbərlər yayıldı. Bu haqda nə deyə bilərsən?
 

- Bizdə mentalitet çox pisdir. Milliləşən futbolçu 1-2 oyun qol vurmayan kimi ona təzyiq edirlər. Əgər onlar milliyə gəlsə, yaxşı olar. Ancaq biz onları da başa düşməliyik ki, gələndən sonra bir neçə oyun qol vura bilməsə, bu insanları qazanmaq yerinə itirə bilərik.
 

Söhbətin bu yerində otağa "Qarabağ"ın koordinatoru Məhi gəlir...
 

Məhi: "Axırda FİFA qərar verəcək ki, cərimə meydançasının içərisinə millimizin oyunçuları əllə qol vursa, sayılacaq (gülürük). İndi vəziyyətimiz pisdir, ancaq gələcəyimiz gözəl görsənir. Qara meydana çıxandan sonra oyunda hərəkətlilik artdı. Hər şeydən danışın, ancaq futboldan danışmayın (gülürük). Məhi Qaraya sual verir: "Saç stilini dəyişib, özünü kimə oxşatmısan?" Qara gülür...
  

- Malta da xal qazandı, ancaq biz hələ də xalsızıq.
 

- Statistika bizim çox pis vəziyyətdə olduğumuzu göstərir. Jurnalistlər də sual verəndə adam utana-utana cavab verir.
 

- Hər kəs Foqtsun geməsini, yerinə Qurban Qurbanovun gəlməsini istəyir. Qurban Qurbanov məşqçi karyerasına çox yaxşı başlayıb. Əgər o, milli komandaya gəlsə və uğursuzluq olsa, onun karyerasına necə təsir edəcək?
 

- Qurban Qurbanov, hələ ki, karyerasının əvvəlindədir. Bu ərəfədə gərək düzgün seçim eləsin. Hər bir azərbaycanlı məşqçi istəyər milli komandanın baş məşqçisi olsun, sonu nə olur olsun. Məncə, Qurban Qurbanov düşünməz ki, karyeram pis olar.
 

- "Qarabağ"dan nə vaxt getməyi düşünürsən? Təklif gəlib?
 

- Tam səmimi deyim ki, getmək istəmirəm. Nə vaxt qovsalar, onda gedəcəm (gülürük).

"Qarabağ"la müqaviləm var. Müqavilə bağlayanda da Əmrah bəy özü də dedi ki, əgər xaricdən ciddi təklif gəlsə, köməklik edəcəyik. Ancaq ölkə daxilində "Qarabağ"dan başqa heç bir kluba keçməyi düşünmürəm. Təkliflər çox gəlib, ancaq təklif olaraq da qalıb. Ötən il Ukrayna "Metallurq"undan təklif gəldi, danışıqlar oldu, gördüm ki, bizə hörmət etmirlər. Deyirlər ki, yoxlanışa gəl, baxışdan keç sonra müqavilə bağlayaq. Mən bununla razılaşmıram. Mənim gül kimi klubum var, niyə yoxlanışa getməliyəm? Özünə hörmət edən futbolçu belə bir şey etməz. Amma çox istəyirəm xaricdə oynamağı. Türkiyənin ikinci liqasına getməyi heç düşünmürəm. "Qarabağ" daha yaxşıdır. Əmək haqqı arxasınca qaçmamışam. Keçmiş məşqçimiz deyirdi, azərbaycanlı futbolçular pul üçün oynayır. Ancaq heç vaxt eşitməmişəm ki, Avropanın hansısa klubu futbolçumuzu transfer etmək istəsin, ancaq əmək haqqına görə razılığa gəlməsinlər. Mənə Almaniyanın ikinci liqasından təklif gəlsə, pulu fikirləşmədən gedərəm. Bu yaşımda xarici görməyim karyeram üçün çox yaxşı olar.
 

- Karyerana cinah müdafiəçisi kimi başladın, ancaq indi mərkəzdə oynayırsan.
 

- U-17-də mərkəzdə də oynamışam. "Qarabağ"da əvvəl cinah müdafiəçisi oldum, ancaq sonradan Qurban müəllim mərkəzdə oynamağı məsləhət gördü. Özümü indiki mövqeyimdə daha yaxşı hiss edirəm.
 

- Oynadığın mövqe çox kritik bir yerdi. Ancaq boyun hava toplarına çıxmağa o qədər də imkan vermir...
 

- Mənim mövqeyimdə oynayan, dünyada çox oyunçular saya bilərəm ki, onlarında boyu balacadır. Xavi, Mendel və.s. Boy amili önəmli deyil. Əsas olan düzgün oynamaqdır. Meydanda ağıl daha üstündür. Meydanda ağıllı, diqqətli oldunsa, boyun, bədənin zəif olmasının fərqi olmur.
 

- Qarşıdan Fransa "Sent-Etyen"i ilə çətin oyun gəlir. Bu haqda nə deyə bilərsən?
 

- Açığı "Sent-Etyen"dən əvvəl ölkə çempionatında oyunumuz var. Birinci "Bakı"nı düşünürük.
 

- Qara, səni futbolçular necə çağırır? Ləqəbin nədir?
 

- Mənə adətən "Çornıy" deyirlər. Seyidgil, "dədə" deyir, Vüqar isə "qaqa" çağırır (gülürük).