Onların "RedBull"u varsa bizimdə "Trojka"mız var

UEFA Çempionlar Liqasının 3-cü təsnifat oyunları baş tutacaq. Azərbaycanı təmsil edən "Qarabağ" Futbol Klubunun bu dəfəki rəqibi  Avstriyanın “RedBull Zalsburq” klubudur.

Ölkə.Az xəbər verir ki, 30 iyul 2014-cü il saat 20:30-da Tofiq Bəhrəmaov adına stadionda keçiriləcək oyuna Azərbaycanın tanınmış simalarından da dəstək gəlməyə davam edir.

Azərbaycanda son illər çəkilən ən bahalı film olan "Xoxan” adlı yumoristik filmin aktyor və yaradıcı heyəti də öz dəstək videoları ilə "Qarabağ"ı qələbəyə səsləyiblər. Onlar oyuna öz yumoristik baxışları ilə "Onların "Redbull"u varsa bizim də "Trojka"mız var" şəklində deviz belə tapıblar.

Qeyd edək ki, "Redbull" enerji içkisi "Zalsburq" klubunun rəsmi sponsorudur. "Trojka" enerji içəcəyi isə öz növbəsində "Qarabağ" klubuna dəstək verir. Belə ki, "Trojka" enerji içəcəyi sabah Bakı şəhərində bir ilkə imza ataraq "ikimərtəbəli" avtobus ilə şəhəri gəzib pulsuz bilet paylayacaq.