Rafael Ağayevdən daha bir qızıl
Bakı-2017 IV İslam Həmrəyliyi Oyunlarının karate yarışında 75 kq çəki dərəcəsində qaliblər müəyyənləşib.
Ölkə.Az bildirir ki, finalda Azərbaycan idmançısı Rafael Ağayev pakistanlı Qulam Sədi ilə qarşılaşıb.
5 qat dünya çempionumuz R.Ağayev rəqibinə göz açmağa imkan verməyib - 4:0.
Bu, karate yarışlarında Azərbaycanın ikinci qızıl medalıdır.
Mükafatlandırma mərasimində hər iki idmançımıza qızıl medalı ölkə başçısı, Milli Olimpiya Komitəsinin prezidenti İlham Əliyev təqdim edib. Daha sonra dövlət himni sədaları altında bayrağımız dalğalanıb.
