Azərbaycan qızıl medallarının sayını 12-yə çatdırdı
Azərbaycan atıcısı Ruslan Lunyov Bakı-2017 IV İslam Həmrəyliyi Oyunlarında ikinci qızıl medalını qazanıb.
Ölkə.Az-ın Trend-ə istinadən məlumatına görə, atıcılıq yarışlarında kişilər arasında 25 metrdən tapança ilə sürətli atəş açmada Ruslan Lunyov hamıdan yüksək nəticə göstərib - 581-25 xal.
Gümüş medalı türkiyəli Murad Kılıç, bürünc medalı isə Oman atıcısı Səid Əl Haşimi əldə edib.
Bununla da Azərbaycan IV İslam Həmrəyliyi Oyunlarında qızıl medallarının sayını 12-yə çatdırıb.
