"Arturo Vidal"a 54 milyon avroluq təklif
"Yuventus" klubunu prezidenti Cüzeppe Marotta komandanın aparıcı futbolçusu Arturo Vidalın "Mançester Yunayted"ə transfer olunacağı iddialarına cavab verib.
Ölkə.Az-ın qol.az-a istinadən məlumatına görə, "Sky İtalia"ya danışan Marotta Vidalı satmaq istəmədiklərini, ancaq son qərarı futbolçunun özünün verəcəyini bildirib:
"Vidalla bir neçə ay öncə müqavilə yenilədik. Çünki o, komandanın aparıcı futbolçularından biridir. Qərarımız qətidir. Onu satmağı düşünmürük. Lakin son qərarı Vidal verəcək".
Qeyd edək ki, "Mançester Yunayted" klubu Vidal üçün "Yuventus"a 54 milyon avro təklif edib. Çili millisinin üzvünün hansı qərarı verəcəyi maraqla gözlənilir.
Ölkə.Az
