Muarrem Muarrem: "Futbolçular məni "Miki" deyə çağırırlar"

Ölk.az-ın "TOP"lantı layihəsi çərçivəsində "Qarabağ"ın futbolçusu Muarrem Muarremin müsahibəsini sizə təqdim edirik.

- "Qarabağ"ı bir neçə dəfə Avropa Liqasının qrup mərhləsindən bir oyun ayırıb. Bu il artıq "Qarabağ" istədiyinə çatdı.

- Üç ildir ki, "Qarabağ"ın oyunçusuyam. Mən bura gələn il "Qarabağ" "play off" oynamadı. Bu bir birlik bərabərlik işdir. Bəzi klublar var bir il istəyinə çatmayanda futbolçuları dəyişdirirlər, baş məşqçiləri dəyişdirirlər. Qurban müəllim 5-6 ildir "Qarabağ"ın baş məşqçisidir. Qurban müəllim futbolçulara, rəhbərlik də ona güvənir. Bu klub olmaq deməkdir.

- "Twente"yə qolu sən vurub, klubunu Avropa Liqasına çıxardın, bu necə hiss idi?

- Biz klub olaraq bunu bacardıq. Klub oyunu oynadıq. Futbol həyatımda ilk dəfə belə bir şey oldu. "Twente"yə vurduğum qol həm mənim üçün həm də klubum üçün tarixi bir qol oldu. Hələ indiyə kimi elə sevinməmişdim. Hər futbolçunun arzusu, istəyidir belə şeylər.

- "Twente" oyunundan qabaq inanırdız ki, nəticə ilə dönəcəksiz?

- Biz hər zaman inanıb çıxırıq meydana. Oyundan öncə futbolçular arasında danışıqlar oldu. Paltardəyişmə otağında taxta var idi, ora Dias "mən bu kluba inanıram, mütləq qruplara düşəcəyik", Almeyda gözəl bir çıxış etdi oyndan əvvəl. Birinci hissədə 1-0 uduzmuşduq. Paltardəyişmə otağına girdik. Ancaq heç kim inancını itirməmişdi. Qurban müəllim də, bizə dedi, mən sizə güvənirəm, inanıram.

- "Dnepr"-ə də sən qol vurdun. Bu qol da tarixi bir qol idi. Azərbaycan klubu tarixində ilk dəfə Avropa Liqasının qrup mərhələsində qələbə qazandı.

- "Dnepirə" qazanmaq üçün getmişdik desəm yalan olar anca dəqiq bilirəm ki, məğlub olmamağa getmişdik.

- "Dnepr" üzərində səfərdə qələbə qazandınız, o sizdə arxayınçılıq yaratdı ki, burda məğlub oldunuz.

- Arxayınçılıq olmadı. Ona görə ki, biz orada asan qələbə qazanmadıq. 60-70 dəqiqə müdafiə olunduq. "Dnepr" həqiqətən səfərdə çox yaxşı oynuyan bir klubdur. Bakıdakı oyunu çox istəyirdik qazanaq ancaq alınmadı.

- Ötən sezonun çempionu, Avropa Liqasının qrup mərhələsindəsiniz. Gələn sezon üçün nə planlaşdırırsınız?

- Hər il daha çox şey istəyirik. Bu il Avropa Liqasında oynayırıq, gələn il də Çempionlar Liqasında oynamağı qarşımıza məqsəd qoymuşuq.

- Avropada oynayandan sonra ölkə çempionatımızda oynamaq sizə necə təsir edir?

- Bizim üçün bu həqiqətən problemdir. Avropada oynayıb gəlib "Araz"la oyuna çıxdıq. 4-0 qazandıq, ancaq 100 faiz əminəm ki, oyunçular hamısı yüzdə yüz oynamadıq. Yüzdə 60-70 faizlə o oyunu qazandıq. Buna görə çox çətinlik çəkirik. Bir həftədə bir zəif oyun olur bir güclü. Bir də tərəfdar məsələsidə var. Ölkə çempionatında oynayanda min nəfər olur, avropada oynayanda 30 min nəfərdən çox.

- Transfer təklifi gəlsə gedərsiniz?

- Açığı, yer dəyişmək o qədər də yaxşı şey deyil. Əslində hal hazırda belə bir şey fikirləşmirəm.

- Qrupdan çıxmaq şansınızı necə dəyərləndirirsiniz?

- Qardaşım, hesab kitab aparmaq lazım deyil. İki oyunuda qazanmalıyıq. Yoxsa işimiz çətindir.

- Milli komanda da işlərin necədir?

- Son oyunda məni çağırmamışdılar milli komandaya. Səbəbini də bilmədim heç. Milli komanda da ayrıseçkilik var.

- Ləqəbin nədir?

- Futbolçular məni "Miki" deyə çağırırlar.

- "Playstation"da futbol oynamaqla aran necədir? Diasla Reynaldo 10 manatdan oynayırlar.

- "Playstation" oynayıram ancaq pulla yox, qumar, abi. PES 2014-də bizim klubda var. Orada özümü gücləndirirəm. Qolları da özüm vururam. (gülürük)

Muarremə uğur diləyib, klubun bazasını gəzməyə gedirik...