Azərbaycan derbisində 4 qol və 4 qırmızı
“Xəzər Lənkəran” – “Neftçi” oyunu olduqca dramatik alınıb.
Bu gün Topaz Premyer Liqasında XIII tura yekun vurulub.
Ölkə.Az anspress-ə istinadən xəbər verir ki, ikinci oyun günündə iki matç baş tutub.
Turun mərkəzi oyunu “Dalğa Arena”da keçirilib. Lənkəran şəhər stadionun ot örtüyü hazır olmadığından cənublular əzəli rəqibi “Neftçi”ni Mərdəkanda qəbul edib. Bu oyunda qalib müəyyənləşməyib.
Günün digər oyununda autsayderlər - “Sumqayıt”la “Bakı” qarşılaşıb. Bu oyunda da tərəflər bir xala seviniblər.
Qeyd edək ki, turun iki oyunu dünən keçirilib. “Simurq” səfərdə ”Qəbələ”ni (3:2), “Qarabağ” evdə AZAL-ı (2:1) məğlub edib. “Araz Naxçıvan” çempionatı tərk etdiyindən bu turda “İnter” istirahət edəcək.
“Xəzər Lənkəran” – “Neftçi” 2-2
Qollar: Qalin İvanov, 8; Əfran İsmayılov, 34 - Ruslan Qurbanov, 10, Mürhüseyn Seyidov, 90+5
Qırmızı vərəqə: Emil Balayev, 15, Sadio Tounkara, 45, Elnur Allahverdiyev 49, Əfran İsmayılov, 74
“Sumqayıt” – “Bakı” 1-1
Qol: Nurlan Novruzov, 1, Kiyan Sultanpur, 84
Ölkə.Az
