"Neftçi"dən möhtəşəm qələbə

“Neftçi” PFK bu gün Avropa Liqasının ikinci təsnifat mərhələsində cavab oyununu keçirib. Komandamız Sloveniyada “Koper” klubu ilə qarşılaşıb. Flaqman 2:0 hesabı ilə qalib gələrək növbəti mərhələyə yüksəlib. “Neftçi”nin qollarını Mirhüseyn Seyidov (21-ci dəqiqə) və Karlos Kardoso (84-cü dəqiqə) vurub.

Komandamız bu heyətlə çıxış edib: Saşa Stamenkoviç, Karlos Kardoso, Elvin Yunuszadə, Mirhüseyn Seyidov, Bruno Bertuççi (Ruslan Qurbanov, 68), Kaue Sesilyo, Erik Ramos, Flavinyo, Julius Vobay, Araz Abdullayev (Samir Məsimov, 72), Ernest Nfor (Elvin Bədəlov, 90+4).

Qeyd edək ki, "Neftçi" üçüncü təsnifat mərhələsində Gürcüstanın "Çixura" klubu ilə qarşılaşacaq.

Ölkə.Az