Azərbaycanlı qapıçı "Ayntraxt"da
“Neftçi” futbol klubunun və Azərbaycan milli komandasının qapıçısı Emil Balayev Almaniya Bundesliqası klublarından olan Frankfurt “Ayntraxt”ının düşərgəsinə yollanıb.
Ölkə.Az-ın report-a istinadən məlumatına görə, gənc qolkiper "Ayntraxt"ın “Neftçi”yə ünvanladığı rəsmi dəvət əsasında noyabrın 26-dan baxışda olacaq.
Dekabrın 12-dək davam edəcək baxışa əsasən, Balayevlə bağlı qərar veriləcək.
Qeyd edək ki, Emil Balayev "Ayntraxt"a yollanmazdan əvvəl "Neftçi"nin heyətində "Xəzər Lənkəran"la Azərbaycan Premyer Liqası matçında çıxış edib. O, 16-cı dəqiqədə cərimə meydanından kənarda əllə oynadığı üçün birbaşa qırmızı vərəqə alaraq, meydandan kənarlaşdırılıb.
Ölkə.Az
