Mətn ölçüsü:
  • 100%

Qurban Qurbanov: "Məni qətiyyən “Zalsburq” maraqlandırmır"

“Qarabağ” klubunun baş məşaçisi Qurban Qurbanov Çempionlar Liqasının II təsnifat mərhələsinin “Valletta” ilə cavab oyunuöncəsi təşkil olunan mətbuat konfransında jurnalistlərin suallarını cavablandırıb

- Rəqib artıq bizə tanışdır. İlk oyundan sonra hansı çatışmazlıqlarımız olduğunu gördük. Çox səhvlərimiz oldu. Bu da normal haldır. İstər-istəməz ilk oyunda oyunçuların hazırlıq səviyyəsi yerində olmur. Əvvəldən qeyd etmişdim ki, hansısa səhvlərimiz ola bilər. Yaxşı nəticə ilə səfərdən dönmüşük. Ancaq çox ciddi hazırlaşmışıq. Rəqib düşündüyümüzdən də güclüdür. Təcrübəli futbolçuları var. Bunu hər bir oyunçumuz başa düşür.

- Sabah “Zalsburq”dan olan nümayəndələr bu oyunu izləyəcək. Ola bilərmi “Qarabağ” tam gücünü ortaya qoymasın, hansısa eksperment etsin?

- Məni qətiyyən “Zalsburq” maraqlandırmır. Hansısa eksperment aparmağın vaxtı deyil. Bu çox riskli ola bilər. İlk növbədə “Valletta” səddini keçməliyik.

- Zədəli futbolçuların durumu necədir?

- Maksim Medvedyev  sabahkı oyunda olmayacaq. Rəşad Sadıqov həkim nəzarəti altındadır. O da sabah komandaya kömək edə bilməyəcək. Yəqin ki, növbəti həftə hər ikisi hazır olacaq.

- “Valletta”nın oyununu  təhlil edə bilmədiyinizi demişdiniz. Buna nə səbəb oldu?

- Rəqibin heyətində xeyli dəyişikliklər baş verib.  Son yoldaşlıq oyunlarını izləmişdik. Həmin heyətlə indiki arasında böyük fərqlər var.  "Valletta"nın  göndərdiyi materiallar bizə komandanı öyrənməyə imkan vermədi.

- Oyunun bu qədər gec başlamasının səbəbi nədir?

- Orucluq ayını nəzərə almışıq. Azarkeşlərimizi də düşünürük. Onlar iftar süfrəsinə çatmalıdır.

Olke.az