Joze Mourinyo: "Daha transfer etməyəcəyik"

"Çelsi"nin baş məşqçisi Joze Mourinyo transferlər haqda danışıb.

Heyətinə Sesk Fabreqas, Dieqo Kosta, Felipe Luis kimi ulduz futbolçular cəlb edən London klubunun çalışdırıcısı deyib ki, bu il daha transfer etməyəcəklər:

"Yay transferi pəncərəsi avqustun 31-i bağlanmasına baxmayaraq, biz iyulun 19-u bütün transferləri bitirdik. Hansı futbolçuları heyətə cəlb edəcəyimizi əvvəlcədən bilirdik. İstədiyimiz oyunçular artıq komandadır. Daha transfer etməyəcəyik".

Mourinyo onu da qeyd edib ki, S.Fabreqasi transfer edərkən çətinlik çəkməyiblər: "Fabreqasla iyirmi dəqiqə danışdım. O da "Çelsi"də oynamaq istəyirdi. Buna görə də onu razı salmaq asan oldu".

Olke.az