"Galatasaray" bahalı transfer etdi
"Galatasaray" futbol klubu Ndiayeni transfer edib.
"Ölkə.Az" xəbər verir ki,"Osmanlıspor" klubunun futbolçusunun transferi kluba 7 milyon avroya başa gəlib. Sarı-qırmızılı klub artıq "Osmanlıspor" ilə müqavilə bağlayıb.
Klubun prezidenti Dursun Özbek Ankarada "Osmanlıspor" klubunun rəsmiləri ilə görüşüb. Klub əvvəlcə Ndiaye üçün 5 milyon avro təklif etsə də, "Osmanlıspor" bu məbləği qəbul etməyib. Son görüşdə isə məbləğ 7 milyon avroya qədər artırılıb. Ankaralı klub üçün bu rəqəm kifayət edib.
Ndiaye ilə müqavilə 4 il müddətinə imzalanacaq. Futbolçu hər il 2.2 milyon avro maaş alacaq.
Hikmət Həsənov
Ölkə.Az
