Türkiyə millisinin yeni baş məşqçisi kim olacaq?
Fatih Terim tutduğu vəzifədən istefa etdikdən sonra Türkiyə Futbol Federasiyası milli komanda üçün baş məşqçi axtarır.
"Ölkə.Az" xəbər verir ki, TFF sədri Yıldırım Demirören "Beşiktaş"futbol klubunun baş məşqçisi Şenol Güneş ilə görüşüb.
Şenol Güneş isə bir neçə gün əvvəl təşkil etdiyi mətbuat konfransında müqavilə imzaladığı "Beşiktaş" klubuna diqqət ayırdığını, milli komandaya baş məşqçilik kimi bir düşüncəsinin olmadığını bildirmişdi. Təcrübəli məşqçi iki ildir qara-ağ komandada işlədiyini və daha iki il də burada qalmağı planlaşdırdığını əlavə etmişdi.
Hikmət Həsənov
Ölkə.Az
