Dünya çempionatı 12 məşqçini işsiz qoydu

Braziliyada keçirilən dünya çempionatı baş məşqçi istefaları ilə də yadda qalıb

DÇ-də iştirak edən 32 komandadan 12-nin çalışdırıcı yığmadan ayrılıb.

DÇ-2014-ün ilk istefası qrupdan çıxa bilməyən İtaliya millisində gerçəkləşib. Ç.Prandelli Uruqvaya məğlubiyyətdən sonra yığmadan getdiyini açıqlayıb.

12 baş məşqçidən yalnız Lui van Qalın "Mançester Yunayted"lə müqavilə imzaladığı üçün onun əvvəlcədən DÇ-2014-dən sonra Hollandiya millisindən gedəcəyi məlum idi. Digər 11 məşqi isə DÇ-2014-də komandaları mübarizəni dayandırdıqdan sonra istefa veriblər.

DÇ-2014-ün gedişatı zamanı və sonra milli komandalardan ayrılan baş məşqçilər aşağıda adları qeyd olunanlardır:

Çezare Prandelli (İtaliya)

Sabri Lyamuşi (Fil Dişi Sahili)

Karluş Keyruş (İran)

Alberto Zakkeroni (Yaponiya)

Luis Suares (Honduras)

Hong Myung Bo (Cənubi Koreya)

Stiven Keşi ( Nigeriya)

Vahid Halilhodziç (Əlcəzair)

Lui van Qal (Hollandiya)

Ottmar Hitsfeld (İsveçrə)

Alexandro Sabelya (Argentina)

Luis Felipe Skolari (Braziliya) (qol.az)

Olke.az