"Qarabağ"a şad xəbər
UEFA "Qarabağ"ın futbolçusu Maksim Medvedevlə bağlı edilən şikayətə baxıb.
"Ölkə.Az" xəbər verir ki, Danimarkanın "Kopenhagen" klubunun etiraz məktubu UEFA tərəfindən əsaslandırma göstərilmədən rədd edilib. "Kopenhagen" klubunun rəsmi saytının yaydığı məlumata görə, Avropa futbol qurumu bildirib ki, klub qərardan apellyasiya şikayəti də verə bilməyəcək.
Şikayətin rədd edilməsilə Medvedev avqustun 23-də "Parken" stadionunda keçiriləcək cavab görüşündə meydana çıxa biləcək.
Qeyd edək ki, "Qarabağ" - "Kopenhagen" oyununda klub Maksim Medvedevin Pyer Benqtssonun sifətinə qəsdən zərbə endirdiyini iddia edərək, onun cəzalandırılması üçün UEFA-ya şikayət ərizəsi vermişdi.
Ölkə.Az
