Türkiyə yığmasının sabiq qapıçısı saxlanıldı
FETÖ qruplaşmasının istintaqı çərçivəsində Türkiyə yığmasının sabiq qapıçısı Ömer Çatkıç saxlanılıb.
"Ölkə.Az" xəbər verir ki, istintaqı İstanbul baş prokurorluğu aparır.
Ömer Çatkıç haqqında ittihamlardan sonra aparılan tədqiqat nəticəsində futbolçunun FETÖ qruplaşmasının "ByLock" xəbərləşmə sistemindən istifadə etdiyi üzə çıxıb. Respublika prokuroru Ergün Güçlünün təlimatından sonra səhər saatlarında 43 yaşlı keçmiş qapıçı evində saxlanılıb. Saxlanılan futbolçu İstanbul baş polis idarəsinə aparılıb. Məşhur qapıçının evində də axtarış aparılıb.
İstintaqa cəlb edilən Çatkıç 2008-2012-ci illər ərzində "Antalyaspor" forması geyinib. Hazırda yerli telekanalların birində idman şərhçisi işləyən Çatkıçın dindirilməsi davam edir.
Hikmət Həsənov
Ölkə.Az
