Avropa Azərbaycandan təminat aldı
Rusiyanın "Cənub axını"nın tikintisindən imtina etməsi Avropa üçün "Cənub Qaz Dəhlizi"ni əhəmiyyətini artırıb.
Bunu Avropa Komissiyasının enerji məsələləri üzrə vitse-prezidenti Maroş Şevçoviç deyib.
Onun sözlərinə görə, Xəzər regionundan "Cənub Qaz Dəhlizi" üzrə ilk qaz 2019-cu ildə Avropaya çatmalıdır: "Rusiyanın "Cənub axını"nın tikintisindən imtina etməsindən sonra "Cənub Qaz Dəhlizi" konsepsiyası prioritetlərdən birinə çevrilib".
M.Şevçoviç bildirib ki, Avropa İttifaqı Azərbaycan və Türkiyədən "Cənub dəhlizi" çərçivəsində layihələrin reallaşdırılmasına sadiqlik üzrə təminat alıb: "Hər iki ölkə hakimiyyəti ilə təmaslarımız zamanı təminat aldım ki, onlar "Cənub Qaz Dəhlizi" çərçivəsində layihələrin yaradılmasına sadiqdirlər. Bura Transxəzər qaz kəməri də aiddir". (anspress)
Ölkə.Az
