Yeni BMW X6 Azərbaycanda

9 dekabr 2014-cü il tarixində BMW AG-nin Azərbaycanda rəsmi idxalçısı "Improtex Motors" sirkəti BMW X6 avtomobilinin növbəti nəslinin təqdimatını keçirib.

Ölkə.Az-ın marja-ya istinadən məlumatına görə, təqdimat mərasimi ilə əlaqədar keçirilmiş mətbuat konfransında "Improtex Motors" sirkətinin Baş direktoru Həsən İsmayılov bildirib ki, X6 Azərbaycanda ən çox satılan avtomobil modellərindən biridir.

BMW X6 xDrive50i avtomobili (M Paket) 330 kWt/450 at gücünə malik 4,4 litr, V8 benzin mühərriklə təchiz olunur. Avtomobil 0-100 km saat sürətini cəmi 4,8 saniyəyə yığır. Avtomobil şəhərdən kənarda 7,7, şəhərdə isə 13 litr yanacaq sərf edir.

Yeni BMW X6 avtomobilinin təəssüratlı dizaynında BMW X modellər sırasına məxsus idman gücü ilə BMW kupelərinə xas olan geniş salon, idman xasiyyəti və dəbdəbəli zəriflik həmahəng tərzdə öz əksini tapmışdır. Yeni BMW X6 avtomobilin təkraredilməz görünüş üslubu onun cəlbedici üzlük səthləri və geniş təchizat siyahısının köməyi ilə vurğulanır. Yeni BMW X6 avtomobili üçün müxtəlif fərdi işləmə paketləri təklif olunur. “Design Pure Extravagance” işləmə paketi həm interyer həm eksteryerdə qeyri-adi əlamətlər əlavə edir. “M Sport” paketi isə avtomobilin mühüm dinamikliyini əks etdirir. Bundan başqa, avtomobilin satışa çıxdığı andan müştərilərə, həmçinin, bu avtomobilə aid xüsusi təchizatlar siyahısını özündə cəmləşdirən “BMW Individual” proqramı da təklif olunur.

Həsən İsmayılovun sözlərinə görə, əvvəlki nəsli ilə müqayisədə yeni BMW X6-nın baza təchizat siyahısı xeyli dərəcədə genişlənmişdir. Misal üçün həmin baza təchizat siyahısına bi-ksenon fənərlər, 19 düymlü yüngül ərintili alüminium disklər, yük yerinin qapağı üçün avtomatik ötürücü, “Steptronic” növlü 8 pilləli sürət ötürmə qutusu, salonun xüsusi dəri üzlüyü, iki sahəli daxili iqlimə nəzarət sistemi, avtomatik tündləşən salon güzgüsü və “BMW ConnectedDrive” proqramının tərkib hissəsi olan xüsusi “Driving Assistant” (sürücüyə kömək) sistemi. Arxa üç yerli oturacaq 40:20:40 nisbətində yığılmaq qabiliyyətinə malik olduğu üçün yük yerinin dolum həcmini 580 litrdən 1 525 litrədək yüksəltmək mümkündür (əvvəlki nəsil modellə müqayisədə 75 litr çox). Bunun səyində isə salonun funksionallığı daha artırılır.

Baza təchizat siyahısına daxil olan “BMW xDrive” tam ötürmə sistemi hər zaman avtomobili yol hərəkəti vəziyyətinə uyğunlaşdırır və optimal dartma gücünü, kurs dayanıqlığını və dönmə dinamikliyini təmin edir. Sürət dinamikliyinin artırılması üçün isə əlavə təchizat siyahısına “Dynamic Performance Control” və hərəkəti mükəmməlləşdirən digər təchizat proqramları daxildir.

Yeni BMW X6 avtomobilinin idman tərzli xüsusiyyətləri və rahatlığı da seçilmiş təchizatlardan asılı olaraq fərqli ola bilər. Fırlanma anını paylaşdıran “Dynamic Performance Control” sistemi, avtomobilin yana yatmalarının qarşısını alan “Dynamic Drive” sistemi ilə birlikdə təklif olunur. Avtomobilin rahatlıq səviyyəsini pnevmatik asqı və amortizatorların sərtliyini tənzimləyən “Dynamic Damper Control” sistemi vasitəsi ilə daha da yüksəltmək mümkündür. Həmin sistemlər isə “Control” və “M Sport” paketlərinə daxildir. Hərəkət hissəsi üçün nəzərdə tutulmuş “Professional” paketi isə özündə “Comfort” və “Dynamic” sistemlərini birləşdirməklə maksimal rahatlığı və sükan arxasında misilsiz zövqü mövcud edir.

Adaptiv işıqdiodlu fənərlər, rahat daxilolma funksiyası, yük yerinin qapağı üçün toxunuşsuz açıb-bağlanma imkanı və digər yüksək texnologiyalı təchizatlar növbəti BMW X6 avtomobilinin yenilik yaradan xasiyyətini müəyyənləşdirir. Səyahət zamanı artıq dərəcəli əyləncə və rahatlığı təmin etmək üçün “Professional” naviqasiya sistemi də təklif olunur. Bu sistemə sensor tənzimləyici, “High End Surround” funksiyalı həcmli səsə malik “Bang & Olufsen” audio oxuducusu və salonun arxa hissəsi üçün yeni “Professional” multimedia sistemi daxildir.

“BMW ConnectedDrive” proqramı unikal sürücüyə dəstək sistemləri və xidmətləri əhatə edir. Bu dəstək sistemləri və xidmətləri arasında BMW proyeksiya monitoru, avtomagistrallardakı tıxacda sürücüyə kömək edən “Driving Assistant Plus” sistemi, dayanma zamanı avtomobilə nəzarət edən BMW parklanma sistemi, “Surround View” dairəvi görünüş sistemi, dinamik şüa işıqlı “Night Vision” gecə görünüş sistemi və bütün “ConnectedDrive” və “Online Entertainment” daxil xidmətlərini sadalamaq olar.

"Improtex Motors" şirkətindən bildirilib ki, BMW X6 xDrive50i avtomobili 128 450 manata təklif olunur.