ABŞ Azərbaycana ayıracağı pulu azaltdı

Gələn il ABŞ Azərbaycana ayıracağı yardımlara ciddi korrektələr edib.

Ölkə.Az azadliq.info-ya istinadən xəbər verir ki, ABŞ Azərbaycana bu il 13,44 milyon dollar ayırmağı planlaşdırır. Bunun 5.76 milyon dolları demokratiya, insan haqlarının müdafiəsi və daha yaxşı idarəetmə layihələrinə, 4.28 milyon dolları iqtisadi inkişafla bağlı sahələrə, 3.4 milyon dolları isə sülh və təhlükəsizliklə bağlı layihələrə nəzərdə tutulur.

Keçən illə müqayisədə Azərbaycana yardımların 4 milyon manata yaxın azaldılması planlaşdırılır. Ən böyük azalma da demokratiya və insan haqlarının müdafiəsi sahəsində layihələrin maliyyələşdirilməsi bölümündədir. Keçən il bu bölməyə 7.78 milyon dollar nəzərdə tutulmuşdu.

ABŞ-ın Ermənistana ayırdığı yardımın miqdarı isə 25.74 milyon dollardır. Onlardan demokratiya, insan haqlarının müdafiəsinə 8.42, iqtisadi inkişafa 8.3, sülh və təhlükəsizliyə 7.29, təhsil və sosial xidmətlər 1.73 milyon dollar ayrılması nəzərdə tutulub.

Gürcüstana ayrılan maliyyə isə dəfələrlə çoxdur. ABŞ Gürcüstana ümumilikdə 75,07 milyon dollar ayıracaq ki, onun da 21.11 milyonu demokratiya, insan haqlarının müdafiəsinə yönələcək. Iqtisadi inkişafa 13.81, sülh və təhlükəsizliyə 36.85, təhsil və sosial xidmətlərə 1.3, ətraf mühitin müdafiəsinə 2 milyon dollar ayrılacaq.

Ölkə.Az