Davudoğlu: TANAP enerjinin İpək yoludur

“Ölkələri bir-birinə yaxınlaşdıracaq sülh layihəsi”.

Azərbaycan və Türkiyə əl-ələ verərək, enerjinin İpək yolu adlandırılan TANAP layihəsini reallaşdıra bildi.

Bunu jurnalistlərə Türkiyənin Baş naziri Əhməd Davudoğlu bildirib.

Onun sözlərinə görə, bu layihə ilə Azərbaycan qazı Gürcüstandan keçməklə Türkiyəyə nəql olunacaq:

“16 milyard kubmetrlik qazın 6 milyard kubmetri Türkiyədə qalacaq, digər həcm isə buradan Avropaya paylanılacaq”.

Baş nazirin sözlərinə görə, 7 milyard dollarlıq TANAP təbii qaz boru xətti 2018-də işə salınacaq:

“Bütün layihə isə 6 il ərzində tamamlanacaq”, - deyə, o, vurğulayıb.

Davudoğlu həmçinin TANAP-ı ölkələri bir-birinə yaxınlaşdıracaq sülh layihəsi adlandırıb./Oxu.az/

Ölkə.Az