Daha bir kiçik dövlət müəssisəsi özəlləşdirilib
Komitədən “Ölkə.Az”a verilən məlumata görə, hərracda kiçik dövlət müəssisəsi və nəqliyyat vasitələri özəlləşdirilib.
“Özəlləşdirilən əmlaklar Bakı şəhərində yerləşir. Özəlləşən əmlaklar biznes obyekti olmaqla investor üçün əlverişli gəlir mənbəyidir. Budəfəki hərracda da özəlləşən Yardımçı təsərrüfat da sərmayəçi üçün mənfəətli əmlakdır. Bakının Sabunçu rayonunda yerləşən həmin əmlakın ümumi faydalı sahəsi 3 min kv.m-ə yaxın, torpaq sahəsi isə 60 min kv.m dən çoxdur. Obyekt torpaq sahəsi ilə birgə özəlləşdirilib”, - deyə məlumatda vurğulanıb.
Komitədən bildirilib ki, budəfəki hərracda Rusiya istehsalı olan QAZ-3307 markalı avtomobil özəlləşdirilib.
Qeyd edək ki, özəlləşdirmə və hərraclarla bağlı aparılan geniş təbliğat işləri prosesə olan marağı daha da artırıb: “Əhali arasında aparılan maarifləndirmə işləri artıq öz nəticəsini verməkdədir. Belə ki, hərraclar rəqabətli şəkildə keçir. İnvestorlar üçün yaradılan rahat, şəffaf şərait rəqabəti daha da artırır. Hərraca çıxarılan bir sıra əmlaklar torpaq sahəsi ilə birgə özəlləşdirilir. Torpaq sahəsi ilə birgə özəlləşən əmlaklar, hərracda cəlb ediciliyini yüksəltməklə daha çox investor marağını artırır. Regionlarda da hərraclar keçirilir. Hərracın gedişatı böyük monitorlar vasitəsilə canlı izlənilir. Hazırda sadə prosedura əsasən hərraca qatılmaq üçün Özəlləşdirmə portalı üzərindən əmlakı seçib sifariş vermək kifayət edir. Portalda hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. Qeyd edilməlidir ki, portala 1 milyondan artıq baxış olub”.
