Sığorta hadisələrinin ödənişi azalıb
2017 ilin yanvar-dekabr ayları ərzində Azərbaycanda fəaliyyət göstərən 21 sığorta şirkəti tərəfindən 556 milyon 866 min manat sığorta haqqı toplanıb. Həmin dövr ərzində sığorta şirkətləri tərəfindən həyata keçirilən ödənişlərin həcmi isə 257 milyon 109 min manat təşkil edib.
Maliyə Bazarlarına Nəzarət Palatasından (MBPN) "Ölkə.Az"a verilən məlumata görə, ötən il ərzində sığorta bazarında toplanmış hər 100 manat sığorta haqqının 46 manatı manatı sığorta hadisələrinin ödənişinə yönəldilib. Bu, ötən ilin müvafiq dövrü ilə müqayisədə 2 manat azdır.
Könüllü sığorta bazarı üzrə haqlar 375 milyon 231 min manat, bu sığorta növləri üzrə ödənişlər isə 199 milyon 425 min manata yaxın məbləğ təşkil edib.
2017-ci ilin müvafiq dövrü ərzində sektor üzrə məcmu sığorta haqlarının 67,4% könüllü, 32,6% icbari sığorta növlərinin payına düşüb. Sığorta ödənişlərinin isə 77,6% könüllü, 22,4% icbari sığorta növlərinin payına düşüb.
Ölkə.Az
